dissabte, 15 de març de 2014

Ges non puesc...




Ges non puesc en bon vers fallir 

Ges non puesc en bon vers fallir 
nulh'hora que de midons chan; 
cossi oiri'ieu ren mal dir? 
Qu'om non es tan mal essenhatz, 
si parl'ab lieys un mot o dos,
que totz vilas non torn cortes;
per que sapchatz be que vers es,
que'l ben qu'ieu dic tot ai de liey.


De ten als no pes ni cossir
ni ai dezirier ni talan,
mas de lieys quo.l pogues servir
e far tot quant l'es bon ni.l platz,
qu'ieu non cre qu'ieu anc per al fos
mais per lieys far so que.l plagues,
que be say qu'onors m'es e bes
tot quan fas per amor de liey.


Peire Rogier de l'orde de Granmont dels "bonis homines"